બે મિત્રો એકબીજાને મળ્યા જ કરે ''ફેસબૂક''માં
એકબીજાને લાઈક પણ કર્યા જ કરે ''ફેસબૂક''માં
જીવનની અંગત પળોને માણી ન માણી કરીને
અજાણ્યાઓની સાથે શેર કર્યા જ કરે ''ફેસબૂક''માં
વ્યસન થયું ફેસબૂકનું જાણે કેશરમિશ્રિત ગુટખા
જે ખાધા બાદ પીચકારી માર્યા જ કરે ''ફેસબૂક''માં
મેલ ફિમેલ પ્રોફાઈલ મળે અને પૂછે હેલો કેમ છો ?
બાદમાં બંને એકબીજાને પ્રેમ કર્યા જ કરે ''ફેસબૂક''માં
થોડા દિવસના પ્રેમ બાદ ખબર પડે સનાતન સત્ય
ફેક આઈ.ડી બનાવી લોકો પ્રેમ કર્યા જ કરે ''ફેસબૂક''માં
ફેસબૂક એ કંઈ ઢીંગલા ઢીંગલીની રમત નથી ''કૌશિક''
તો યે લોકો પ્રેમમાં પડ્યાનો વહેમ કર્યા જ કરે ''ફેસબૂક''માં
-કૌશિક બોરાણા
No comments:
Post a Comment